Шимолий Корея Марказий ахборот агентлиги сўнгги ракета синовидан олинган фотосуратларни эълон қилди. Бу ҳақда ABC News хабар бермоқда.
Таъкидланишича, суратларда жорий йилнинг апрель ойида илк бора намойиш этилган «Хвасон-12» ракетасини кўриш мумкин.
КХДР 15 сентябрь куни эрталаб навбатдаги ракета синовини ўтказди. Жанубий кореялик ҳарбийларнинг маълумотига кўра, учирилган ракета 3700 километр масофани босиб ўтди ва 770 километрлик баландликка кўтарилди.
КХДР Марказий телеграф агентлигининг таъкидлашича, КХДР етакчиси Ким Чен Иннинг ракета синовидан кўнгли тўлган.
Аввалроқ Ким Чен Ин КХДР ядровий қуролли кучларни яратиш ишларини деярли якунлагани ҳақида маълум қилганди.
NEW: North Korea releases photos it claims are of its latest missile test https://t.co/6aAf8q6KuR pic.twitter.com/CXppOkDmSR
— ABC News (@ABC) September 16, 2017
