«Мария» довулининг кучи энг юқори хавф тоифасига етди

Фото: NASA via AP

Атлантика океанида пайдо бўлган навбатдаги «Мария» довули кучи бўйича 5 тоифадаги тўфон кўрсаткичига етди. Бу ҳақда АҚШ Миллий довул маркази ўз Twitter саҳифасида маълум қилди.

Хабарда айтилишича, шамол тезлиги соатига 260 километрни ташкил этмоқда.

Аввал хабар берилганидек, АҚШ «Мария» довулига 4 тоифани берган эди. Тахминларга кўра, довул Кариб денгизидаги оролларга таҳдид солиши мумкин. Ҳафта ўрталарига келиб, у Виржин ороллари ва Пуэрто-Рикога етиб келади.

Тайёрлаган: Толиб Раҳматов

#табиий офат #довул #Мария