Фото: FIFA
ФИФА Испаниянинг икки жамоаси «Валенсия» ва «Вильярреал» устидан трансфер қоидаларини бузганликда гумон қилиб текширув бошлади. Бу ҳақда Marca нашри хабар тарқатмоқда.
Манба берган хабарда айтилишича, иккала клуб ҳам 18 ёшга тўлмаган футболчиларни рўйхатдан ўтказишга ФИФА талабларига зид равишда иш кўрган бўлиши мумкин.
Олдинроқ худди шу тақиқ Мадриднинг «Атлетико» ва «Реал» жамоаларига ҳам қўйилганди.Улар икки трансфер ойнаси вақтида футболчиларни рўйхатдан ўтказиш ҳуқуқидан маҳрум қилинган, «Реал» Спорт арбитраж суди (CAS) орқали 2017 йилнинг ёзидан яна футболчиларни рўйхатдан ўтказиш ҳуқуқини қайтариб олганди.
