Қўшимча функционаллар
-
Тунги кўриниш
Видео: Пике сенсацион баёнот берди
«Барселона» жамоаси ҳимоячиси Жерар Пике сиёсий вазият шуни тақозо этса, Испания терма жамоасидан кетишга тайёр.
Ушбу 30 ёшли футболчининг ватани ҳисобланадиган Каталонияда 1 октябрь куни Испаниядан алоҳида ажралиб чиқиш учун референдум ўтказилди. Испания ҳукумати бу референдумни қонуний эмас, деб топди ва полиция ҳамда фуқаролик гвардиясини сайлов участкаларини ёпишга юборди. Натижада полициячилар ва тинч аҳоли вакиллари ўртасида тўқнашувлар рўй берди.
«Франкизм йилларида бизда ўз фикримизни айтиш учун имкон бўлмаган. Мен каталонман, каталонияликлигимдан фахрланаман. Биламан, Испания пойтахтида бизнинг демократия учун интилишларимизни қораловчи кишилар топилади.
Агар терма жамоа мураббийи ёки футбол федерациядаги бошқа кимдир мени миллий терма жамоада муаммолар туғдириши мумкин деб ҳисобласа, мен уларга 2018 йилги жаҳон чемпионатидан олдин муаммо туғдирмаслик учун терма жамоадан кетишим мумкин», – деган Пике тўғридан-тўғри эфир вақтида кўзига ёш олиб.
Испания терма жамоаси мураббийи ҳозирда Хулен Лопетеги ҳисобланади.
Каталонияда мустақиллик референдуми
Испаниянинг шимолий-шарқий ҳудудида, Каталония автономиясида, истиқомат қилувчи аҳоли 1 октябрь каталонларнинг мустақиллик масаласини ҳал этиш учун кўчага чиқди. Расмий Мадрид ушбу ҳаракатни йўққа чиқариш мақсадида маҳаллий полиция кучидан фойдаланмоқда.
Мавзуга оид
20:20 / 14.06.2026
Швейцарияда референдум: мамлакат аҳолиси сонини чеклаш таклифи рад этилди
20:37 / 16.05.2026
Левандовски «Барселона»ни тарк этишини эълон қилди
02:34 / 11.05.2026
"Барселона" "Реал" билан ўйинда Испания чемпионига айланди. Бунақаси илк бор рўй берди
20:32 / 10.05.2026