Украина ва Туркия ҳамкорлик ҳақида бир қатор келишувлар имзолади

Украина ва Туркия ҳамкорлик ҳақида бир катор келишувлар, жумладан 2017-2019 йиллар учун икки томонлама муносабатларни ривожлантириш бўйича ҳаракатлар режасини имзолади. Бу ҳақда Украина президенти матбуот хизмати маълум қилди.

Туркия президенти Ражаб Тоййиб Эрдўған 9 октябрда Киевга расмий ташриф билан келди ва украиналик ҳамкасби Пётр Порошенко билан учрашди.

Матбуот-хизмати маълумотларига кўра, шунингдек, Украина дипломатик академияси ва Туркия дипломатик академияси ўртасидаги ҳамкорлик меморандуми, ўзаро кўмак ва инвестицияларни ҳимоялаш ҳақидаги келишувга ўзгартиришлар киритиш келишуви, икки карра солиқ солишдан қочиш ҳамда мол-мулк ва даромад солиқларини тўлашдан бош тортишнинг олдини олиш ҳақидаги келишувга ўзгартиришлар киритиш тўғрисида ҳукуматлар ўртасидаги баённома имзоланди.