Сурия ўз ҳудудидан турк қўшинларининг олиб чиқилишини талаб қилди

Фото:AFP 2017 / Omar haj kadour

Сурия ташқи ишлар вазирлиги Анқарадан Идлиб вилоятидан қўшинларини олиб чиқишни талаб қилди. Бу ҳақда Reuters ахборот агентлиги хабар бермоқда.

Сурия ташқи ишлар вазирлигида турк қўшинларининг вилоятга олиб кирилиши қонунбузарлик ва тажовуз деб аталди.

Туркия ўз навбатида ҳарбийлари Идлибда деэскалация ҳудудини назорат қилиш учун жойлаштирилганини айтган.

Аввалроқ ОАВда Туркия-Сурия чегарасини Туркия қуролли кучларининг 8 та танки, 50 та бронетранспортёри ва 200 га яқин ҳарбийси кесиб ўтгани маълум қилинган.