Қирғизистонда террорчиларни ёлловчи хорижлик шахс қўлга олинди

Қирғизистон Миллий хавфсизлик давлат қўмитаси ШҲТга аъзо давлатлар махсус хизматлари томонидан экстремизмга алоқадорлиги учун қидирувда бўлган шахсни қўлга олди, дея хабар берди РИА Новости Миллий хавфсизлик давлат қўмитаси матбуот хизматига таянган ҳолда.

«1971 йилда туғилган МДҲ давлатларидан бирининг фуқароси экстремистик характердаги жиноятларни амалга оширгани учун халқаро қидирувда бўлган. У аниқланди ва қўлга олинди», - дейилади матбуот хизмати хабарида.

Махсус хизматлар маълумотига кўра, қўлга олинган эркак МДҲ фуқароларини «ғоявий жиҳатдан ўзига оғдириб», уларга террорчилик дунёқарашини сингдирмоқчи бўлган.