Туркияда АҚШ дипломатининг оиласи сўроқ қилингандан кейин қўйиб юборилди

Истанбул суди АҚШнинг Туркиядаги консуллигида ишловчи Туркия фуқаросининг рафиқаси ва қизи сўроқ қилингандан кейин уларнинг озод этилишга изн берди. Улар экстремистлар билан алоқадор бўлишлари мумкинлиги сабабли сўроқ қилинганлар. Бу ҳақда суддаги манба маълум қилган.  

Манба маълумотларига кўра, икки гумонланувчи 9 октябрда Амася шаҳрида ушланиб, сўнгра Истанбулга олиб келинган. Уларга мамлакатни тарк этиш тақиқлаб қўйилди, шунингдек, улар ҳафтада бир марта полицияда қайд қилиниб туришлари керак.  

Консуллик ходими ҳам прокуратура томондан АҚШнинг Истанбулдаги бош консуллигининг бошқа бир ходими Метин Топуз ҳибсга олингандан кейин сўроқ қилинган. Топуз ҳибсга олингандан кейин АҚШ элчихонаси 8 октябрдан турк фуқароларига ноиммиграцион визалар беришни тўхтатган.

АҚШнинг Туркиядаги элчиси Жон Басс бош консуллик ходимининг ҳибсга олинишини Туркия раҳбариятининг ўч олиши деб таърифлаган ва суд идоралари холис бўлмасликлари мумкинлигини айтган. Туркия президенти эса бунга жавобан АҚШ дипломатик миссияларида Туркияда давлат тўнтарувига уринишга алоқадор шахслар яширинаётганини айтган.