«Реал» президенти судланиши кутилаётган Роналду ҳақида ўз фикрини айтди

«Реал» президенти Флорентино Перес солиқларни тўлашдан бўйин товлаганликда айбланаётган ва буни тан олмаган ҳужумчи Криштиану Роналду эътиборини фақат футболга қаратаётганини айтди.

«Роналду хотиржам ва ўзини яхши ҳис қилмоқда. У фақат ўз иши ҳақида қайғурадиган инсонлар тоифасидан. Унинг виждони пок, у ҳеч нарсани яширмаяпти ва нотўғри иш қилмаган.

Ўз вужуди ва қалбини «Олтин тўп» ва бошқа совринларни қўлга киритишга бағишламоқда. Умид қиламанки, у совринларни қўлга киритишдан тўхтамайди» - деди Перес.

Эслатиб ўтамиз, Роналду Испания прокуратураси томонидан қўйилган, 14,7 млн евро миқдоридаги солиқларни тўлашдан бўйин товлаганлик айбловини тан олмади. Энди уни суд маҳкамаси кутмоқда.