Қўшимча функционаллар
-
Тунги кўриниш
Жаҳон | 10:30 / 25.10.2017
5532
1 дақиқада ўқилади
Қозоғистон БМТ ХКнинг Сурия бўйича резолюциясига овоз беришда бетараф қолди
Фото: 24.kz
БМТ Хавфсизлик Кенгаши Суриядаги кимёвий ҳужумларни суриштирувдан ўтказиш бўйича комиссия мандатини узайтирмади, деб хабар бермоқда "Хабар 24".
Хабарда айтилишича, ҳужжатга Хавфсизлик Кенгашининг 11 аъзоси овоз берган, жумладан учта доимий аъзо – АҚШ, Франция ҳамда Буюк Британия. Россия ва Боливия эса қарши овоз берган. Қозоғистон ҳамда Хитой бетараф қолди.
Қозоғистоннинг БМТдаги доимий вакили Қайрат Умаровнинг таъкидлашича, Остона комиссия ваколатлари узайтирилиши тарафдори, бироқ аввал 26 октябрда тақдим этиладиган унинг иш фаолияти бўйича ҳисоботни кўриб чиқишни мантиқан тўғри, деб ҳисоблайди.
Эслатиб ўтамиз, кимёвий ҳужумларни суриштирувдан ўтказиш бўйича комиссия мандати 16 ноябрь куни тугайди.
