Саакашвили Украина фуқаролигидан маҳрум бўлди

Фото: AP

Грузия собиқ президенти, Одесса вилояти собиқ губернатори Михаил Саакашвилининг маълум қилишича, президент маъмуриятидан Украина фуқаролигидан маҳрум этилгани бўйича ҳужжатларни олди, у бу қарорга қарши шикоят бериш ниятида.

Аввалроқ Украина президенти Пётр Порошенко Саакашвилини Украина фуқаролигидан маҳрум қилганди. Президент маъмуриятидан тушунтиришларича, Саакашвили уни олишда ишончсиз маълумотларни тақдим этган.

"Бугун ёки эртага судга бораман, сабаби биз ниҳоят президент маъмуриятидан фуқаролик бўйича ҳужжатларни олдик ҳамда мени фуқароликдан маҳрум қилиш бўйича қарорга шикоят берамиз", - дея маълум қилди Саакашвили чоршанба куни журналистларга қилган мурожаатида.