Эрон янги авиабомбаларни синовдан ўтказди

Эрон ҳарбий-ҳаво кучлари Исфахон вилоятидаги машғулотлар вақтида бошқарилувчи авиабомбалар синовини ўтказди.

Tasnim ахборот агентлиги маълумотларига кўра, синовлар вақтида F-7 ҳарбий самолётлари Эронда ишлаб чиқилган узоқ масофаларга мўлжалланган бомбалар ва ракеталарни қўллаган.

Эрон ҲҲК расмий вакили Масъуд Ружхош F-5 ва HESA Saeqeh қирувчи самолётлари 226 кг келадиган бомбалар ёрдамида нишонларни мўлжалга олганларини маълум қилган. 

Икки кунлик машғулотлар ўнлаб бомбардимончи, қирувчи, транспорт, разведкачи, ёқилғи қуювчи самолётлар ва учувчисиз парвоз қурилмалари иштирокида ўтмоқда.