Foto: presstv.com
Eron harbiy-havo kuchlari Isfaxon viloyatidagi mashg‘ulotlar vaqtida boshqariluvchi aviabombalar sinovini o‘tkazdi.
Tasnim axborot agentligi ma'lumotlariga ko‘ra, sinovlar vaqtida F-7 harbiy samolyotlari Eronda ishlab chiqilgan uzoq masofalarga mo‘ljallangan bombalar va raketalarni qo‘llagan.
Eron HHK rasmiy vakili Mas'ud Rujxosh F-5 va HESA Saeqeh qiruvchi samolyotlari 226 kg keladigan bombalar yordamida nishonlarni mo‘ljalga olganlarini ma'lum qilgan.
Ikki kunlik mashg‘ulotlar o‘nlab bombardimonchi, qiruvchi, transport, razvedkachi, yoqilg‘i quyuvchi samolyotlar va uchuvchisiz parvoz qurilmalari ishtirokida o‘tmoqda.
