Франция президенти Саудия Арабистонига келди

Фото: Al Arabiya

Франция президенти Эмманюэль Макрон қисқа муддатли ташриф билан Саудия Арабистонига келди. Бу ҳақда Al Arabiya хабар бермоқда.

Таъкидланишича, Ар-Риёд халқаро аэропортида Макронни валиаҳд шаҳзода Муҳаммад бин Салмон кутиб олган.

Маълум қилинишича, Макрон Ямандан Саудия Арабистони томон ракета отилгандан кейин Ар-Риёдга келишга қарор қилган. Бундан ташқари, Макрон Эрон атрофидаги вазиятни муҳокама қилмоқчи.

Аввалроқ яманлик ҳусийлар Саудия Арабистони пойтахти томон ракета отишгани маълум қилинганди. Ракета Саудия Арабистони ҳаво ҳужумига қарши мудофаа кучлари томондан уриб туширилган.