БААда «Марс шаҳри» қачон қурилиши маълум бўлди

Дубайда Қизил сайёра ҳисобланмиш Марсдаги ҳаёт шароитлари акс эттириладиган Mars Scientific City «Марс шаҳри» икки ярим йилдан сўнг қурилади. Бу ҳақда РИА «Новости» БАА фазовий агентлиги вакили Муҳаммад Носир ал-Аҳбобийга таянган ҳолда хабар бермоқда.

Унинг таъкидлашича, ҳозирги вақтга келиб шаҳарнинг бюджети ва қурилиш жойи бўйича аниқ қарор қабул қилинган.

«БАА фазовий сектори иқтисодиёт билимларига асосланган ўсишга туртки беради, шунингдек, бизни энг замонавий технологиялар соҳасида етакчи сифатида кўриш имконини тақдим этади», - дея айтиб ўтди ал-Аҳбобий.

Аввалроқ Россия ва Қозоғистон БААга Бойқўнғир бўйича таклиф билан чиққани ҳақида хабар берилганди.