Зимбабведа ҳукмрон бўлган Африка миллий иттифоқи президент Роберт Мугабенинг рафиқаси ва эҳтимолий вориси Грейс Мугабени партиядаги ўз лавозимини тарк этишга чақирди, деб хабар бермоқда Herald газетаси.
Аввалроқ, жума куни партия вилоят мувофиқлаштирув қўмиталарининг ўнтасидан саккизтаси Мугабени мамлакат президенти ва партия биринчи котиби лавозимини тарк этишга чақирганди.
Нашрнинг хабар беришича, Мугабега бундай чақириқ билан ўнта вилоят мувофиқлаштирув партия қўмитаси учрашувида чиқишган. Шунингдек, учрашув қатнашчилари ишдан бўшатилган бош вазир ўринбосари Эммерсон Мнангагванинг ҳуқуқлари тикланишини талаб қилишди. Уларнинг таъкидлашича, унинг истеъфоси бўйича қарор марказий қўмита тасдиқловисиз қабул қилинган.
Эслатиб ўтамиз, аввалроқ Мугабе омма олдида кўриниш бергани хабар қилинганди.
