Черногорияда ит аёлни ўғри чангалидан қутқарди

Интернет тармоғида кўчадаги дайди ит ўғрига ҳужум қилиб, аёлни унинг ҳужумидан қутқарганига оид видео тарқалди. Ролик Facebook ижтимоий тармоғидаги саҳифага жойлаштирилган.

Маҳаллий RTCG телеканалининг хабар қилишича, ҳодиса Подгорица шаҳридаги Эски аэродром ҳудудида рўй берган. 

Номаълум кимса кўчада кетаётган аёл изидан уни таъқиб қилади. У аёлга етиб олгач, унинг қўлидаги сумкасини тортиб, олиб қочишга уринади. Бироқ шу вақтда ўғрига узоқроқда кўчада юрган ит ташланади. Ғаразгўй жуфтакни ростлашга мажбур бўлган.