Бугун Англия премьер-лигасининг 15-туридан ўрин олган учрашувлар старт олади. Tribuna.Uz анъанасига мос равишда учрашувлар атрофидаги қизиқарли маълумотларга батафсил тўхталади.
Англия премьер-лигаси, 15-тур
Челси - Ньюкасл
Бошланиш вақти: 2 декабрь, 17:30
Трансляция: Futbol TV, Матч! Футбол 1
Ўйинолди қизиқарли фактлар
«Челси» ўз уйида АПЛда «Ньюкасл»дан 15 марта устун келган. Лондонликлар учун бу иккинчи яхши кўрсаткич саналади. Жамоа АПЛ тарихида фақат «Тоттенҳэм»ни ўз уйида кўпроқ енгган (16 марта).
«Ньюкасла»нинг «Челси» уйидаги ягона ғалабаси 2012 йилнинг майида кузатилган бўлиб (2:0) ўшанда Папис Сиссе қаҳрамонлик кўрсатганди.
Виллиан «Ньюкасл» билан сўнгги марта тўқнаш келинган 2015-16 йилги мавсумдаги икки учрашувда ҳам гол урган. Бразилиялик футболчи бундай натижага яна тўртта («Эвертон», «Саутҳемптон ва «Сток Сити») жамоага қарши учрашувда эриша олган.
Жонжо Шелви «Суонси» ва «Ливерпуль» футболчиси сифатида ҳам «Челси» дарвозасига гол урган. Агар у бу сафар ҳам гол ура олса, Гэри Скоттдан кейин «Челси» даврозасига учта ёки ундан кўпроқ жамоа сафида гол урган иккинчи футболчига айланади.
Йўқотишлар
«Челси» таркибида Давид Луиз ва Чарли Мусонда жароҳати сабаб майдонга туша олмайди. Аммо Миши Батшуайи ва Кенеди сафга қайтган.
«Ньюкасл» таркибида Жамаал Ласеллс, Кристиан Атсу ва Пол Даммит учрашувни ўтказиб юборади.
Брайтон - Ливерпуль
Ўйинолди қизиқарли фактлар.
Бу икки жамоа АПЛ доирасида илк марта тўқнаш келмоқда. Сўнгги марта Англия чемпионатида (премьер-лига ташкил қилинмасдан олдин) 1982/1983 йилги мавсумда «Брайтон»да бўлиб ўтган учрашувда 2:2 ҳисобида дуранг қайд этилган.
Умуман Англия чемпионатида бу икки жамоа «Брайтон» уйида 4 марта учрашган бўлиб, учта учрашувда дуранг қайд этилган, «Ливерпуль»да битта ғалаба.
АПЛ 1-туридаги «Манчестер Сити»дан учралган мағлубиятдан сўнг «Брайтон» ўз уйида кетма-кет 6 учрашувдан буён мағлубиятга (2 ғалаба, 4 дуранг) учрамай келмоқда.
«Амекс» стадиони «Ливерпуль» Премьер-лигада тўп сурадиган 57-стадион бўлади; улар шу кунгача ўйнаган 56 стадионнинг 52тасида ғалаба қозонган ва бу АПЛнинг исталган жамоасидан яхши кўрсаткич саналади.
Муҳаммад Салаҳ «Ливерпуль» футболчиси сифатида Англия Премьер-лигасининг 14 турида 12та гол урди — бу клуб рекорди саналади.
Йўқотишлар
«Брайтон» таркибида ягона йўқотиш Стви Сидуэлл бўлиб турибди. Қисқа танаффусдан сўнг Гаэтан Бонг майдонга тушишга шай.
«Ливерпуль» марказий ҳимоячиси Жоэл Матип хизматидан фойдалана олмайди, аммо унинг шериги Рагнар Клаван касалликдан сўнг сафга қайтган.
Уотфорд - Тоттенҳэм
Бошланиш вақти: 20:00
Трансляция: Матч! Футбол 1 (ёзиб олинган ҳолда)
Ўйинолди қизиқарли фактлар
«Уотфорд» Премьер-лига доирасидаги «Тоттенҳэм»га қарши ўтган 8 учрашувда бирор марта ҳам ғалаба қозона (2 дуранг, 6 мағлубият) олмаган.
«Уотфорд» жорий мавсумда Лондон жамоаларига қарши иккита учрашув («Арсенал» ва «Вест Ҳэм») ўтказиб, иккаласида ҳам ғалаба қозонган.
Агар «Тоттенҳэм» мағлубиятга учрайдиган бўлса, 2009 йилнинг январидан буён илк марта АПЛда кетма-кет тўртта учрашувни ютқазган жамоага айланади.
Киран Триппьер «Уотфорд»га қарши 4 учрашувда 4та голли узатма амалга оширган. Бу унинг бир жамоага қарши ўйиндаги энг кўп самарали ҳаракат саналади.
Йўқотишлар
«Уотфорд» таркибида Уилл Ҳьюз жароҳати сабаб майдонга туша олмайди. Мигель Бритоснинг иштироки сўроқ остида қолмоқда. Исаак Саксес эса жароҳатдан тузалиб сафга қайтган.
«Тоттенҳэм» таркибида Виктор Ваньяма ва Тоби Алдервейрелд узоқ муддатга сафдан чиққан. Ҳарри Уинкс эса жароҳатидан тузалиб сафга қайтди.
Лестер - Бёрнли
Бошланиш вақти: 20:00
Ўйинолди қизиқарли фактлар
«Бёрнли» 2017 йилнинг январида Сэмми Уокснинг ягона голи эвазига «Лестер»ни мағлуб этиб, 10 учрашувдан иборат ғалабасиз (3 дуранг, 7 мағлубият) сериясига якун ясади.
«Лестер» ўз уйида ўтказган сўнгги 14 ўйиндан фақат «Манчестер Сити»га қарши учрашувда (0:2) гол ура олмади.
«Бёрнли» меҳмонда энг кўп очко тўплаш бўйича мавсум рекордини такрорлаб бўлди: 14 очко. 2014/15 йилги мавсумда жамоа шу натижани қайд этганди. Навбатдаги очко клуб учун янги рекордга айланади.
Жейми Варди яна битта гол киритса, «Лестер» таркибида Премьер-лигада 50та гол киритган илк футболчига айланади.
Йўқотишлар
«Лестер» таркибида Кристиан Фукс қиз фарзанди туғилганидан сўнг яна клуб қароргоҳига қайтиб келган. Мэтти Жеймс ва Роберт Ҳут ҳамон жароҳатидан даволанмоқда.
«Бёрнли» таркибида Мэтт Лоутон майдонга туша олмайди. Стивен Дефур эса сафга қайтган.
Арсенал - Манчестер Юнайтед
Бошланиш вақти: 22:30
Трансляция: Futbol TV,Матч ТВ, Матч! Футбол 1
Ўйинолди қизиқарли фактлар
«Арсенал» «Манчестер Юнайтед»га қарши АПЛдаги ўз уйида кечган сўнгги беш учрашувда фақат бир марта мағлубиятга (2 ғалаба, 2 дуранг) учраган. Сўнгги икки учрашувда ғалаба қозонганида, ўз дарвозасидан бирорта ҳам тўп ўтказиб юбормаган.
Ҳеч бир жамоа «Арсенал» уйида «Манчестер Юнайтед»чалик кўп учрашувда (7та учрашув, «Ливерпуль» билан бир хил натижа) ғалаба қозона олмаган. Шунингдек фақатгина «Челси» «Эмирейтс» стадионида ўйинлар ўтказила бошланганидан буён бу стадионда «Юнайтед»дан кўпроқ муваффақиятга (4та ғалаба) эришган.
«Арсенал» АПЛ доирасида ўз уйида кечган сўнгги 12 учрашувда ғалаба қозонди. Сўнгги марта жамоа 2005 йилнинг фералидан ноябрига қадар «Ҳайбери»да узоқ (кетма-кет 13 учрашув) ғалабали серия кўрсата олганди.
Месут Ўзил «Манчестер Юнайтед»га қарши сўнгги 4 учрашувида 4та гол иштирокчиси бўлган (2 гол, 2 голли пас).
Йўқотишлар
«Арсенал» таркибида Александр Ляказетт майдонга туша олмайди. Санти Касорла эса узоқ вақтдан буён сафга қайта олмаяпти. Алексис Санчесда ҳам «Ҳаддерсфилд»га қарши учрашувда кичик муаммо пайдо бўлганди, аммо бугунги учрашувга у тайёр бўлиши керак.
«Манчестер Юнайтед» ҳимоячилари Фил Жонс ва Эрик Байи майдонга туша олмайди. Неманья Матичнинг иштироки ҳам катта сўроқ остида турибди.
Манчестер Сити - Вест Ҳэм
«Манчестер Сити» Премьер-лига доирасидаги «Вест Ҳэм»га қарши «Этиҳад»даги сўнгги 11 учрашувининг 9тасида (1 дуранг, 1 мағлубият) ғалаба қозонган ва ҳар бир учрашувда гол киритишнинг уддасидан чиққан.
«Манчестер Сити»нинг АПЛдаги кетма-кет ғалабалари сони 12тага етди. Фақатгина «Челси» (13 ғалаба 2016/17 йилги мавсумда) ва «Арсенал» (13 ғалаба 2001/02 йилги мавсумда) улардан яхшироқ натижага эришган.
«Вест Ҳэм» 2015 йилнинг сентябрида «Сити» уйида ғалаба қозониб (2:1), «шаҳарликлар»нинг 11 учрашувдан иборат ғалабали (рекорд) сериясига барҳам берганди.
Серхио Агуэро «Вест Ҳэм»га қарши 10 учрашувда майдонга тушиб, 8 голда иштирок (6 гол, 2 голли узатма) этган.
Йўқотишлар
«Манчестер Сити» таркибида Жон Стоунз ва Бенжамен Менди сафдан чиққан. Ҳафта ўртасида шамоллаб қолиб «Саутҳемптон»га қарши учрашувни ўтказиб юборган Лерой Сане майдонга тушишга шай.
«Вест Ҳэм» таркибида Чичарито, Энди Кэрролл ва Жозе Фонте жароҳати сабаб майдонга туша олмайди. Жо Ҳарт ижара келишувига кўра, бу учрашувда иштирок этиши мумкин эмас. Уинстон Риднинг иштироки эса сўроқ остида турибди.
Қолган учрашувлар
Эвертон - Ҳаддерсфилд (20:00)
Сток Сити - Суонси (20:00)
Вест Бромвич - Кристал Пэлас (20:00)
Борнмут - Саутҳемптон (3 декабрь, 18:30)
Азамат Муродов тайёрлади
