Қўшимча функционаллар
-
Тунги кўриниш
Тошкент вилоятида қизни боғич билан ўлдиришда гумон қилинаётган шахс ушланди
Фото: KUN.UZ
Тошкент вилояти ИИБ томонидан олиб борилган тезкор саъй-ҳаракатлар натижасида вилоятнинг Ўрта Чирчиқ туманида содир этилган даҳшатли қотиллик фош этилди. Бу ҳақда вилоят ИИБдаги KUN.UZ манбаси маълум қилди.
Маълум бўлишича, 1998 йилда Хоразм вилоятида туғилган Д.А. исм-шарифли қизнинг мурдаси шу йилнинг 19 ноябрида Ўрта Чирчиқ тумани Қорасув ҳудудидаги ариқ ичидан топилган. Суд-экспертиза таҳлиллари қиз боғич билан бўғиб ўлдирилганини кўрсатган.
Шундан сўнг, вилоят ички ишлар бошқармаси ходимлари томонидан олиб борилган тезкор-суриштирув ишлари натижасида қотилликда гумон қилинаётган шахс аниқланиб, ушланган. У 1990 йилда Тошкент шаҳрида туғилган ва киракашлик билан шуғулланувчи Х.А. экани маълум бўлган.
Айни вақтда Ўзбекистон Республикаси Жиноят кодексининг 97-моддаси, яъни қасддан одам ўлдириш жинояти аломатлари билан жиноий иш қўзғатилган. Тергов ишларини вилоят прокуратураси олиб бормоқда. Қотилликда гумондорнинг бошқа жиноятларга алоқадорлиги ҳам текширилмоқда.
Мавзуга оид
20:03 / 19.11.2024
“Кўп кайф қилиб юборганман” — 3 яшар боланинг қотили ўша куни “глюк”да бўлганини айтди
21:47 / 15.11.2024
Қотил гиёҳванд бўлган: 3 ёшли болани ўлдирган эркак устидан суд бошланди
18:12 / 09.11.2024
Бир чуқурдаги икки мурда – Пайариқдаги қотиллик тафсилоти
19:18 / 02.11.2024