АИ: ИШИДнинг 6 мингга яқин жангариси Африкага қайтиши мумкин
Яқин Шарқда ИШИД таркибида жанг қилаётган африкалик 6 мингга яқин жангари Африкага қайтиши мумкин. Бу ҳақда Африка Иттифоқи тинчлик ва хавфсизлик масалалари бўйича комиссари Смаил Шерги баёнот берди. У Жазоирнинг Оран шаҳрида террорчилик таҳдидларига бағишланган форумда чиқиш қилар экан, шундай хавотирларни билдирди, деб хабар қилмоқда Daily Sabah нашри.
"Ҳисоботларда 30 минг хорижлик ишидчилар орасида 6 минг африкалик борлиги айтилади, - деган Шерги. – Бу гуруҳларнинг Африкага қайтиши тинчлик ва хавфсизлик борасида жиддий таҳдид уйғотиши эҳтимоли Африка мамлакатларининг қалин ҳамкорлигини талаб этади".
У қитъа мамлакатларини ўз ватанларига қайтаётган "қуролланган нусхалар хусусида маълумотлар билан алмашишга" чақирди.
Бундан аввал, Африка Иттифоқи ишчи гуруҳи таркибига кирувчи экспертлар ҳам ИШИД жангариларининг бир қисми Африкага кўчиши мумкинлигидан огоҳлантиришган эди.
Мавзуга оид
15:11 / 05.10.2024
“Ўзбекистон ДХХ Россияга ИШИД аъзоларини тутишга ёрдам берган” — Бортников
20:19 / 28.09.2024
АҚШ бошчилигидаги коалиция Ироқдаги миссиясини 2025 йилда якунлайди
20:54 / 11.08.2024
АҚШ Ироқдан коалиция кучларини олиб чиқади – ОАВ
10:22 / 26.07.2024