«Қонуний чоралар эди». Трамп Суриядаги зарбаларга тўхталди

Фото: AP

АҚШ президенти Дональд Трампнинг маълум қилишича, Сурияга берилган зарбалар «қонуний чоралар» бўлган. Бу ҳақда у конгрессга йўллаган мактубда айтиб ўтди, деб хабар бермоқда РИА «Новости» Оқ уйга таянган ҳолда.

Унинг сўзларига кўра, Сурияда ИШИД билан кураш бўйича кампанияда иштирок этаётган АҚШ қуролли кучлари Сурия ҳукумати ва ҳукуматга яқин бўлган кучларга чекланган миқдорда зарбалар берган.

«Бу зарбалар АҚШ ва бу кампанияда иштирок этаётган унинг шериклари кучлари учун аниқ таҳдидларга қарши курашиш бўйича қонуний чоралар бўлган», - дея кўрсатилади Трампнинг мактубида.

Трамп апрель ойида Porter эсминеци қўмондони билан шахсан боғланганди. Айнан шу эскадрильяли мина ташувчидан Америка қуролли кучлари Суриядаги Шайрот авиабазасига зарба беришди. Трамп қўмондонга шахсан миннатдорчилик изҳор қилган.

Эслатиб ўтамиз, аввалроқ АҚШ президенти Дональд Трампнинг маъмурияти Сурия етакчиси Башар Асад ўз лавозимида 2021 йилдаги навбатдаги президентлик сайловларига қадар қолишига рози бўлишга тайёрлиги хабар қилинганди.