«ИШИДга ёллаган». Петербургда ўшлик Обид Абдураимов 5 йилга қамалди

Москва округ ҳарбий суди Санкт-Петербургда ИШИД террорчилик гуруҳига одамларни ёллаган шахсни беш йилга озодликдан маҳрум қилиш ҳақида қарор чиқарди, деб хабар бермоқда РИА «Новости».

Қирғизистоннинг Ўш шаҳридан бўлган Обид Абдураимов ўз айбини тан олгани айтилмоқда.

«Абдураимов Жиноят кодексининг 205.1-моддаси 1-қисмида назарда тутилган жиноятларни содир этганликда айбдор деб топилсин, ҳамда унга умумий тартибли колонияда беш йилга озодликдан маҳрум қилиш жазоси белгилансин», - дея ҳукмни эълон қилган судья.

Аввалроқ Петербургда ИШИДга одамларни ёллаган икки шахс 6 ва 6,5 йилга қамалганди.