Brexit юзасидан олиб борилаётган музокаралар кейинги босқичга кўтарилди

Фото: Reuters

Жума куни Евроиттифоқ ҳамда Буюк Британия Brexit юзасидан олиб борилаётган музокараларни кейинги босқичга чиқишни режалаштирмоқда. Аммо, ҳанузгача савдо-сотиқ ва шу каби молиявий масалаларда аниқ бир тўхтамга келинмаган.

Reuters'нинг хабар беришича, Брюссель саммитининг иккинчи кунида ЕИ етакчилари "сезиларли натижаларга" эришганини таъкидлаган. Эътироф этилишича, британияликларнинг фуқаролик ҳуқуқи, Ирландия билан ўзаро маъмурий чегаралар, Буюк Британиянинг ЕИ олдидаги мажбуриятларига аниқлик киритилган.

Европа Кенгаши президенти Дональд Тускнинг айтишича, Brexit юзасидан музокаралар иккинчи босқичга кўтарилган.

"Британияликлар ўз танлови йўлида энг яхши жамиятга эришиши учун биз қўлдан келган барча имкониятларни ишга соламиз. Шу билан бирга, Европа бозори ва хавфсизлиги ҳақида қайғуришимиз лозим. Чегара ва ҳуқуқларимиз доимо хавфсиз бўлиши, ўзгалар томонидан ҳурмат қилиниши керак", дейди президент.

Тайёрлаган: Алишер Рузиохунов

#Brexit #Евроиттифоқ