АҚШда поезднинг кўприкдан қулаши қурбонлари сони 6 кишини ташкил қилмоқда
18 декабрда АҚШнинг Вашингтон штатида Amtrak компаниясига тегишли тезюрар поезднинг кўприкдан қулаши оқибатида камида 6 киши ҳалок бўлди. Бу ҳақда Associated Press ахборот агентлиги хабар бермоқда.
Агентлик штат маъмуриятидан олган маълумотга иқтибос келтирган.
Фалокат Сиэтлдан 64 км узоқликда юз берган. Сиэтлдан Портлендга йўналаётган Cascades поездининг бир нечта вагони излардан чиқиб кетиб, кўприкдан I-5 шоссеси устига қулаган. Вагонлар қулаш вақтида бир неча машинага тегиб ўтган. Фалокат вақтида поезднинг тезлиги 128 км/соатни ташкил этган бўлиши мумкин.
Поезд янги темир йўл бўйлаб илк рейсини амалга ошираётган бўлган. Ушбу темир йўлни қуришдан мақсад Сиэтл ва Портленд шаҳарлари ўртасида йўловчилар қатновини тезлаштиришдан иборат бўлган.
Штат губернатори Жей Инсли фалокат туфайли фавқулодда вазият тартибини киритган. Губернатор ҳозирча фожиа қурбонларининг аниқ сонини келтирмади.
Поездда машинист билан бирга 83 киши бўлган. Ҳукумат ҳозирча қанча киши қурбон бўлгани ёки жароҳатлангани ҳақида аниқ маълумот бермаяпти.
Мавзуга оид
08:50 / 03.10.2024
Ўзбекистон Stadler компаниясидан поездлар сотиб олиши мумкин
22:59 / 24.09.2024
Манғистов-Нукус йўналишида ҳаракатланаётган поездда ёнғин юз берди
09:50 / 23.09.2024
Британия компанияси Ўзбекистон бўйлаб ҳашаматли сайёҳлик поездини йўлга қўйди
08:50 / 14.09.2024