Саудия Арабистони бошчилигидаги халқаро коалиция яманлик ҳусийлар томондан отилган баллистик ракета уриб туширилганини маълум қилди. Бу ҳақда Sky News Arabia телеканали хабар берди.
“Ракета кучлари Ар-Риёддаги Ямам саройига Burkan баллистик ракетаси отилганини маълум қилди”, деб ёзган ўз навбатида “Ансор Аллоҳ” исёнчи ҳаракати вакили твиттерда.
Reuters ахборот агентлиги аввалроқ гувоҳларга иқтибос келтирган ҳолда, Ар-Риёдда гумбирлаш овозлари эшитилгани ва қора тутун кўринганини маълум қилган.
Саудия Арабистони ракеталар ҳужумига қарши мудофаа тизимлари ноябрь боши ва охирида Ямандан отилган иккита баллистик ракетани уриб туширганди. Биринчи ракета 4 ноябрда Ар-Риёддаги халқаро аэропорт яқинида, иккинчиси 30 ноябрда мамлакат жанубидаги Ҳамис-Мушайт шаҳри яқинида уриб туширилган.