Вальверде: «Бу класико чемпионлик тақдирини ҳал қилмайди»

«Барселона» бош мураббийи Эрнесто Вальверде, «Реал»га қарши ўйиндан олдин, ўз фикрлари билан ўртоқлашди.

«Биз фаворит эмасмиз. Бундай ўйинларда мусобақа жадвалидаги ўриннинг аҳамияти жуда кам, чунки бу ўзгача беллашувдир.

Ҳар иккала жамоа ўртасидаги кураш қаттиқ бўлади. Ўз майдонида тўп суриш омили ҳам ҳал қилувчи аҳамиятга эга. Шу туфайли, биз фаворит эмасмиз, деган бўлардим.

Олдимиздаги класико чемпионлик тақдирини ҳал қилмайди, бу аниқ. Кейин нима бўлиши ҳақида эса ўйиндан сўнг ўйлаб кўрамиз. Ҳозирча, ютсак нима бўлади, дуранг ўйнасакчи, ютқизсакчи, деган гаплардан фойда йўқ. Эртага нима бўлишидан қатъи назар, йўл ҳали жуда узоқ», – деб Вальверде сўзларини келтирмоқда Goal.