Пучдемон Испания ҳукуматидан Каталонияга қайтишига рухсат беришни сўради

Каталония мустақиллигини эълон қилгани учун Испания ҳукумати томондан ўз лавозимидан четлатилган Карлес Пучдемон Каталония парламентига сайловларда мухториятнинг мустақиллиги тарафдорлари ғолиб бўлгандан кейин Испания ҳукуматидан Каталонияга қайтишга рухсат беришни сўраган. Бу ҳақда Reuters ахборот агентлиги хабар бермоқда.

“Мен Каталонияга тезроқ қайтишни истайман. Мен ҳозироқ қайтган бўлардим. Бу Испания учун яхши янгилик бўларди”, деб айтган Пучдемон.

Каталониянинг собиқ раҳбари мухториятга бир ой ичида – 23 январгача қайтмоқчилигини маълум қилган. 23 январда Каталония янги парламентининг биринчи мажлиси бўлиб ўтади.