Хитойлик Қозоғистонга келиш учун 1,5 минг километрлик йўлни тракторда босиб ўтди

Фото: Pavlodarnews.kz

Хитойлик Одил Хамитхон Қозоғистоннинг Павлодар вилоятида қўним топиш учун 1,5 минг километрлик йўлни тракторда босиб ўтди. Бунинг учун эркакка бир ҳафта керак бўлган.

“Мен ҳар доим фарзандларим ўз асл юртларида яшашларини орзу қилганман. Биринчи марта мен Павлодар вилоятига апрелда келганман, вазиятни кўздан кечириб, маҳаллий раҳбарият билан гаплашганман ва ёзда бу ерга оилам билан келганман. Бу жойнинг ери ва табиати яхши, чорвадорлик учун қулай шароитлар мавжуд. Шу сабабли бу жойни танладик”, деб айтмоқда эркак.

Хамитхоннинг оиласи Хитойдаги барча мол-мулкини сотиб, Қозоғистонга йўл олган. Эркак рафиқаси ва икки фарзандини автобусга ўтказган, ўзи эса таниши билан тракторда йўлга тушган. Улар бир-бирлари билан алмашиб, тўхташларсиз белгиланган манзилга бир ҳафтада етиб келганлар.

Тайёрлаган: Шуҳрат Раҳимов

#Қозоғистон #Хитой