80 ёшли нафақахўрни алдаб кетган шахс қўлга олинди

Чирчиқ шаҳрида саксон ёшли нафақахўрни алдаб кетган шахс қўлга олинди. Бу ҳақда Тошкент вилояти ИИБ ахборот хизмати хабар берди.

Қайд этилишича, ушбу шаҳарда яшовчи 1995 йилда туғилган Дониёр Мақсудов (келтирилган исм-фамилиялар ўзгартирилган) фирибгарлик йўли билан нафақахўр, 1937 йилда туғилган Н.О.нинг ишончини суиистеъмол қилиб, пластик картасида бўлган уч миллион беш юз минг сўм пулини нақд пул қилиб қайтариб, беришлигини айтиб, ушбу пуллардан уч юз минг сўмини нақд пул қилиб бериб, қолган пулларни қайтариб бермаган. 

Ушбу ҳолат юзасидан унга нисбатан Ўзбекистон Республикаси Жиноят Кодексининг 168-моддаси билан жиноят иши қўзғатилди. Терговни ИИБ олиб бормоқда.