Журналистлар йилнинг энг яхши спорт клубини аниқлашди

Спорт матбуоти халқаро уюшмаси сайти хабарига кўра, Мадриднинг «Реал» жамоаси 2017 йилнинг энг яхши спорт клуби деб топилди.

Бу борада, журналистлар орасида ўтказилган сўровномада, мадридликлар 23,5% овоз тўплаб, биринчи ўринни қўлга киритдилар. 

Иккинчи ўрин футбол бўйича Германия терма жамоасига (15,86%) насиб қилди. Миллий баскетбол уюшмасининг «Голден Стэйт Уорриорз» клуби учинчи ўринни эгаллади.