АҚШ Покистонга молиявий ёрдам кўрсатишни тўхтатди 

АҚШ Покистонга хавфсизлик соҳасида молиявий ёрдам кўрсатишни тўхтатди. Бу ҳақда АҚШ давлат департаменти расмий вакили Хезер Науэрт маълум қилди.   

“Бугун биз хавфсизлик масалалари бўйича молиявий ёрдамни тўхтатамиз”, деб айтган Науэрт матбуот анжуманда. 

Унинг айтишича, бу Исломободнинг Покистон ичида ва у ердан туриб ҳаракат қилувчи террорчилик гуруҳларига қарши курашдаги етарлича жонбозлик кўрсатмаганига жавоб ҳисобланади. “Покистон қатъийроқ ҳаракатлар амалга ошириши лозим”, деб айтган Науэрт.

У АҚШ аввалроқ Покистонга ҳарбий ёрдам сифатида 255 млн доллар ажратилишини тўхтатиб қўйганини эслатиб ўтди. Шу билан бирга Науэртнинг айтишича, АҚШ миллий хавфсизлигига жавоб берувчи баъзи ҳолатларда истиснолар қилиниши мумкин.