NASA сайёрадаги ҳарорат аномалиялари харитасини эълон қилди.
Декабрь охири ва январь боши Канада ҳамда АҚШнинг аксарият минтақалари аҳолисини ўтган йиллар билан таққослаганда анча кучли совуқ ҳарорат билан ҳайратга солди.
Шу билан бирга, АҚШ ғарби, Аляска, Европа ва Осиёда баҳорий об-ҳаво кузатилмоқда. Бу қиш фасли бўлишига қарамай юз бермоқда, дейилади космик агентлик ҳисоботида.
Ўзбекистон NASA ҳарорат рекордлари харитасида Осиёдаги ноодатий илиқ об-ҳаво ҳудудига кирди.
Харита 2017 йилнинг 26 декабридан 2018 йилнинг 2 январига қадар бўлган маълумотлар асосида тузилди. Улар 2001-2010 йиллардаги кўрсаткичлар билан таққосланган.
