Трамп Лондонга ташрифини нега бекор қилганини айтди

АҚШ президенти Дональд Трампнинг маълум қилишича, Лондонга ташрифни аввалги давлат раҳбари Барак Обама маъмурияти ҳаракатларидан норози бўлгани учун бекор қилган. Бу ҳақда у твиттерда ёзди.

«Менинг Лондонга ташрифим бекор қилинишига сабаб шундан иборатки, мен Обама маъмуриятининг ишқибози эмасман, у Лондондаги энг яхши элчихона биносини арзимаган пулга сотиб юборди, шаҳар четида эса 1,2 млрд долларга янгиси қурилди. Мен тасмани кесиб беришимни хоҳлаганмисиз? Йўқ!» - дея ёзди Трамп.

Аввалроқ Daily Mail нашри Трамп Британияга белгиланган сафарини бекор қилгани ҳақида хабар берганди.