"Ўзбекистон ҳаво йўллари" миллий авиакомпанияси 2018 йилнинг 24 май кунидан эътиборан Тошкент-Барселона-Тошкент йўналиши бўйлаб Испанияга мунтазам рейсларни йўлга қўя бошлайди. Бу ҳақида миллий ташувчи матбуот хизмати хабар берди.
Тошкент-Барселона-Тошкент йўналиши бўйича рейслар ҳар ҳафтанинг пайшанба кунлари қатор қулайликларга эга Boeing самолётларида амалга оширилади.
Парвозлар жадвали:
- HY-259 рейси. Тошкентдан парвоз қилиш вақти - 03:10, Барселонага қўниш вақти - 08:05.
- HY-260 рейси. Барселонадан парвоз қилиш вақти - 09:45, Тошкентга қўниш вақти - 19:50.
Барча пунктларда маҳаллий вақт кўрсатилган.
Авиачипталарни барча сотув пунктларида ва www.uzairways.com сайтида онлайн харид қилишингиз мумкин.
