Фото: Jonathan Ernst/Reuters
АҚШ конгрессининг вакиллар палатасидаги республикачилар етакчиси Кевин Маккарти мамлакат президенти Дональд Трамп қулупнай ва олча мазасига эга обакидандон (конфет)ни яхши кўриши ҳақида айтиб берди. Бу ҳақда The Washington Post хабар бермоқда.
Маккартининг айтишича, Трамп билан Вашингтонга президентлик самолётида парвоз қилишаётганда, у фақат қизил ва пушти рангдаги Starbursts обакидандонини истеъмол қилган.
«Биз кичик десерт устида ўтиргандик, шу пайтда у менга обакидандон таклиф қилиб қолди», - дея қўшимча қилиб ўтган конгрессмен.
Кейинчалик Трампнинг ёрдамчилари Маккартига президент фақат қизил ва пушти рангдаги обакидандонни яхши кўриши ҳақида айтиб беришган.
