Фото: KUN.UZ
Бухоро шаҳри ҳудудида ўтказилган тезкор тадбирлар давомида, Бухоро тумани, Чорбакр МФЙ, Ўзбакон қишлоғида яшовчи, 1989 йилда туғилган Н.Ю. Бухоро шаҳрида яшовчи Г.Р.га ҳар бир АҚШ долларини 8160 сўмдан ҳисоблаб, жами 6700 АҚШ долларини сотиб олаётган вақтда қўлга олинди. Бу ҳақда KUN.UZ’га Бухоро вилояти ИИБ хабар берди.
Қайд этилишича, холислар иштирокида унинг автомашинаси кўздан кечирилганда автомашина ичида 2190 АҚШ доллари, 8500 Россия рубли ва 8.525.000 сўм пуллар борлиги ҳам аниқланиб, ашёвий далил тариқасида тегишли тартибда ҳужжатлаштириб олинди.
Мазкур ҳолат юзасидан Н.Ю.га нисбатан Ўзбекистон Республикаси Жиноят Кодексининг 177-моддаси 2-қисми “б” банди билан жиноят иши қўзғатилиб, тергов ҳаракатлари олиб борилмоқда.
