Назарбоев АҚШ ва Россия муносабатлари “нолга қараб кетганини” айтди

Фото: Reuters/Kevin Lamarque

Шимолий Кореядан хавф борлиги вазиятида Россия ва АҚШ муносабатлари “нолга қараб кетгани” Қозоғистонни ташвишлантиради.

Бу ҳақда Қозоғистон президенти Нурсултон Назарбоев АҚШ президенти Дональд Трамп билан музокаралар якунларига кўра айтди.

“Шимолий Корея муаммосини АҚШ, Хитой ва Россия биргаликда ҳал қилиши мумкин. Шу сабабли, биз қўшниларни, АҚШ ва Россия ўртасидаги нолга қараб кетган муносабатлар ташвишлантиради”, деб айтган Назарбоев.

Назарбоев АҚШга 16 январда Трамп билан учрашгани келди.

Трамп Хитой раиси Си Цзиньпин билан телефон орқали мулоқотда Вашингтон Пхеньянга максимал босим ўтказишни давом эттиришини айтган.