Имомали Раҳмон Тожикистон Божхона хизмати раҳбарини ишдан олди

Фото: News.tj

Тожикистон президенти мамлакат Божхона хизмати раҳбари генерал-лейтенант Абдуфаттоҳ Ғоибни ишдан бўшатди. Бу ҳақда Тожикистон Республикаси ҳукумати матбуот хизмати хабар бермоқда.

Тожикистон Божхона хизматининг янги раҳбарига генерал-майор Хуршид Каримзода айланди, у бундан аввал республика божхона маҳкамаси раисининг биринчи ўринбосари сифатида ишлаган.

Имомали Раҳмон кеча ҳукумат йиғилиши давомида Божхона тузилмаси ишидаги камчиликларни санаб ўтган.

Хусусан, президент божхона тўловлари етарли даражада йиғилмаётгани, бу маҳкама ходимларининг коррупция билан боғлиқ жиноятларга аралашиб қолаётгани, мамлакатга паст сифатли озиқ-овқат маҳсулотлари кириб келаётганидан норози бўлган.

Тожикистон президенти ноябрь охирида божхона бошлиғига ҳайфсан ҳам берганди.