Канада музларида АҚШнинг энг янги ҳарбий кемаси қолиб кетди

АҚШ ҳарбий-денгиз кучларининг энг янги USS Little Rock ҳарбий кемаси ўзининг 2017 йил 20 декабрдан давом этаётган илк сузишини режага кўра якунлай олмайдиган бўлди.

Кема ўзи бириктирилган Флоридадаги портга қайтаётганда Канаданинг Монреаль шаҳрида тўхташни амалга оширган ва кучли совуқлар сабабли музда қолиб кетган. Портда кемани шатакка олиш учун етарлича шатакчилар бўлмаган сабабли кема ҳаво яхшиланмагунча кейинги манзили – Галифакс портига яқин орада ета олмайди. 

АҚШ ҳарбий-денгиз кучларининг жамоатчилик алоқалари бўйича вакили Кортни Хиллсоннинг айтишича, Монреалда об-ҳаво одатдагидан совуқроқ ва “йилнинг бу пайти учун рекорд натижага яқин бўлмоқда”.

2017 йил декабрда фойдаланишга киритилган кема 20 декабрда АҚШнинг Баффало портидан 50 кишидан иборат экипаж билан денгизга чиққан. Little Rock кемаси Freedom синфига қарашли бўлиб, Тинч океани ҳалқаси атрофидаги саёзликда назорат олиб бориш, миналар, шовқинсиз юрувчи сув ости ва сув усти кемаларини йўқ қилишга мўлжалланган.