Трамп «Россия аралашуви» бўйича кўрсатма беришга тайёрлигини маълум қилди

Фото: Bloomberg

АҚШ президенти Дональд Трампнинг маълум қилишича, у махсус прокурор Роберт Мюллерга «Россия аралашуви» иши бўйича қасамёд остида кўрсатма беришга тайёр. Бу ҳақда Bloomberg хабар қилмоқда.

«Мен буни кутмоқдаман. Мен буни қасамёд остида қилган бўлардим», - дея маълум қилди Трамп.

Аввалроқ, АҚШ разведкасининг юқори мансабли зобитлари, жумладан МРБ директори Майк Помпео, махсус прокурор Мюллер жамоаси томонидан Дональд Трампнинг «Россия аралашуви» бўйича терговга халақит беришга уриниш ҳолати юзасидан сўроқ қилингани ҳақида хабарлар тарқалганди.

Бу сўроқ шундан дарак бермоқдаки, махсус комиссия ўз суриштируви доирасида АҚШ президентининг шу ишдаги хатти-ҳаракатларини ўрганиб чиқмоқда.

#Дональд Трамп #АҚШ