Мактаб ходимлари ўқув муассасаси спорт залида дарсликларни ёқиб юборишди
Бразилиянинг Салту-ди-Пирапораи муниципалитетидаги ўрта мактаб директори ва унинг ўринбосари ўқув муассасаси спорт залида дарсликларни ёқиб юборди. Бу ҳақда Globo хабар бермоқда.
Воқеа жойига етиб келган полиция уларни қўлга олди. Директорнинг ҳуқуқни муҳофаза қилувчи органларга тушунтиришича, у шу йўл билан «тозалаш ишларини» ўтказмоқчи бўлган, сабаби китоблар, унинг сўзларига кўра, эски бўлган ва фойдаланилмай келинган.
Аниқлик киритилишича, дарсликларни ёқиш билан ўринбосар шуғулланган, бироқ бу борадаги буйруқни директор берган.
Барча босма материаллар йўқ қилиб ташлангани туфайли, полиция айнан қанча китоб ёқиб юборилгани борасида аниқ маълумот бера олмаяпти.
Таъкидланишича, ҳодиса юз берган пайтда ўқувчилар мактаб ҳовлисида бўлишган. Полиция ушбу ҳолат юзасидан жиноий иш қўзғатди.
Мавзуга оид
21:53
Футзал. Бразилия — 6 карра жаҳон чемпиони
21:50 / 28.09.2024
Бразилия Олий суди Х ижтимоий тармоғига янги жарима белгилади
15:39 / 23.09.2024
Бразилияда дарёлар қуриб қолди. Даҳшатли қурғоқчилик сабаби нимада?
23:08 / 21.09.2024