Тошкентдаги гул дўкони эгасининг 5500 долларини ўмаришди

Тошкент шаҳрининг Чилонзор туманида жиноят юз берди, деб хабар қилмоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.
  
Қайд этилишича, 22 январь куни номаълум шахс Чилонзор тумани 16-даҳасида жойлашган гул дўконидаги диван устида қаровсиз қолдирилган, шу дўкон раҳбарига тегишли бўлган ичида 330.000 сўм пули, 5.500 АҚШ доллари, дўкон калитлари, ҳужжатлари ва муҳри бўлган сумкасини ўғирлаб кетган.

Кўрилган чоралар натижасида ушбу жиноятни Учтепа тумани Ю.Саккокий кўчаси 17-уйда яшовчи, 1974 йилда туғилган М.Ў. содир этганлиги аниқланиб ушланган.