Умид Аҳмаджонов Андижонга ташриф буюрди

Фото: Uff.uz

Ўзбекистон футбол Ассоциацияси 1-вице-президенти Умид Аҳмаджонов махсус ишчи гуруҳ билан Андижонга ташриф буюрди. Бу ҳақда ЎФА расмий сайти хабар тарқатди.

Дастлаб, Умид Аҳмаджонов Андижондаги Шўрбулоқ футболга ихтисослаштирилган мактаб-интернатига ташриф буюрди. ЎФА 1-вице-президенти мактаб-интернатидаги шароитлар билан яқиндан танишди.

Шундан сўнг, делегация «Андижанка» спорт базасига ташриф буюриб, бу ердаги шароитлар билан танишди. Умид Аҳмаджонов «Андижанка» жамоасининг стадионини реконструкция қилиш бўйича топшириқ берди. Шунингдек, ЎФА 1-вице-президентининг қарорига кўра 7 марта Ўзбекистон чемпиони бўлган «Андижанка» жамоаси 2018 йилги Суперлига баҳсларида иштирок этадиган бўлди.

Умид Аҳмаджонов шунингдек «Соғлом авлод стадиони»да андижонлик футбол мухлислари билан учрашди.