62 долларлик қарз туфайли ўн ёшли қизчани гаровга олишди
Арманистоннинг Егвард шаҳрида яшовчи аёл ўз танишининг ўн ёшли қизини 62 доллар (30 минг арман драми)лик қарз туфайли гаровда ушлаб турганликда гумонланмоқда. Бу ҳақда Арманистон Тергов қўмитаси сайтида хабар берилди.
Терговчиларнинг маълумотларига кўра, аёл «оилалар ўртасида узоқ йиллар давомида юзага келган яқин муносабатлардан фойдаланиб, алдов билан, дўконга бориш баҳонасида» қизни ўз уйига олиб кирган.
Шундан сўнг у қизчанинг онасидан 30 минг драмлик қарзини қайтаришни талаб қилиб, акс ҳолда болани қўйиб юбормаслигини айтган, дейилади ТҚ хабарида.
Таъкидланишича, ушбу ҳолат бўйича жиноий иш қўзғатилган.
Гумонланувчи айни дамда ушланган. Ҳуқуқни муҳофаза қилувчи органлар ходимлари тергов ишларини олиб боришмоқда. Аёлнинг айби тасдиқланадиган бўлса, у 10 йилгача бўлган муддатга озодликдан маҳрум этилиши мумкин.
Мавзуга оид
10:10 / 09.10.2024
РФ чегарачилари Арманистон ва Эрон чегарасини қўриқлашни тўхтатади
20:10 / 02.10.2024
Ўзбекистонлик хоккейчилар илк маротаба жаҳон чемпионатида иштирок этади
21:29 / 27.09.2024
Чилонзорда “дом” қурмоқчи бўлган фирма мансабдорлари терговга тортилди
20:16 / 27.09.2024