Тошкентда руҳий касал аёл 1-босқич талабаси бўлган йигитни пичоқлаб ўлдирди

Тошкент шаҳрининг Учтепа туманида жиноят юз берди, деб хабар қилмоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси. 

Қайд этилишича, 4 февраль куни соат 03:00ларда Учтепа тумани 24-даҳа 48-уйда яшовчи, руҳий касал, 1989 йилда туғилган О.Б. уйи олдида ўзаро жанжал оқибатида Фарғона вилояти Қўқон шаҳрида яшаган, Тошкент Тўқимачилик ва енгил саноат институти 1-курс талабаси, 1997 йилда туғилган М.М.нинг кўкрак қисмига пичоқ билан уриб жароҳат етказган.

Натижада М.М. воқеа жойида вафот этган. О.Б. қўлга олинган.