Туркия Африндаги вазиятни АҚШ билан муҳокама қилмайди

Фото: TGRT

Туркия ташқи ишлар вазири Мавлуд Чавушўғлининг TGRT телеканалига берган интервьюсида маълум қилишича, Анқара Вашингтон билан Африндаги амалиётни муҳокама қилиш лозим, деб ҳисобламайди. Туркия ТИВ раҳбарининг сўзларига кўра, бунга сабаб минтақада АҚШ ҳарбийлари йўқ.

«Афринда америкалик ҳарбийлар йўқ. Эҳтимол, у ерда вақти-вақти билан фақат уларнинг махсус хизматлари ходимлари бўлар. Шунинг учун бизда АҚШ билан Африн мавзусини муҳокама қилишга эҳтиёж йўқ», - дея маълум қилди у.

Эслатиб ўтамиз, аввалроқ Туркия етакчиси Ражаб Тоййиб Эрдўған ИШИД террорчилик гуруҳи тор-мор этилганидан сўнг ҳам АҚШ ҳарбийларининг Сурияда қолиши Туркия, Эрон ва Россияга қарши йўналтирилгани ҳақида маълум қилганди.