Япония Россияни айблади

Япониянинг фикрича, Россия томонидан янги ядро қуролларининг ишлаб чиқилиши АҚШни у билан пойгага киришга мажбур қилди. Бу ҳақда Япония ТИВ раҳбари Таро Кано миллий парламентда айтиб ўтган.

«Ядро қуролининг ҳозирги дунёсига беқарорликни АҚШ эмас, балки Россия киритмоқда. У ўзининг ҳарбий доктринасига амал қилиб, кучи паст зарядларга эга тактик жанговар каллакларни ишлаб чиқмоқда», - дея Канонинг сўзларини келтиради ТАСС.

Вазирнинг сўзларига кўра, Россия «АҚШни шундай вазиятга тушириб қўйдики, у ядро қуроли ишлаб чиқишни бошлашга мажбур бўлди». Шу билан бирга, вазирнинг ишонч билдиришича, «АҚШ бундай қуролни КХДРга қарши қўллаш учун ишлаб чиқаётгани йўқ».