Саида Мирзиёева Михаил Мишустин билан иқтисодий ҳамкорликни муҳокама қилди

Президент администрацияси раҳбари Саида Мирзиёева Тошкент халқаро форумида иштирок этиш учун келган Россия ҳукумати раиси Михаил Мишустин билан учрашди.

Фото: Саида Мирзиёева / Telegram

Мирзиёеванинг сўзларига кўра, суҳбат чоғида икки мамлакат ўртасидаги савдо-иқтисодий ҳамкорлик масалалари муҳокама қилинган.

“Ўзбекистон ва Россия муносабатлари жадал ривожланишда давом этмоқда. Бугунги кунда бизнес, инфратузилма ва маданият соҳаларида кўплаб қўшма лойиҳалар амалга оширилмоқда. Яқин кунларда Ҳукуматлараро комиссия ҳамда Ҳудудлар кенгашининг навбатдаги йиғилишлари бўлиб ўтади.

Ушбу тадбирлар шерикликдаги фаолиятимизнинг барча йўналишларига қўшимча туртки беришига ишонаман”, – дея ёзди ПА раҳбари ўз Telegram-каналида.

Суратлар: