Омон қолганлар йўқ. Москва яқинидаги ҳалокатнинг янги тафсилотлари маълум қилинди

«Саратов авиалиниялари» компаниясининг Москвадан Орскка йўл олган Ан-148 йўловчи самолёти ҳалокатга учрашидан омон қолганлар йўқ. Бу ҳақда фавқулодда хизматлардаги манбалар маҳаллий нашрларга тасдиқлаган.

Ан-148 «Домодедово» аэропортидан парвоз қилганидан сўнг радарлардан йўқолган самолёт Москва вилоятининг Раменский тумани ҳудудига, Аргуново қишлоғи яқинига қулаган. Ҳаво кемаси бортида 71 киши — 65 йўловчи ва 6 нафар экипаж аъзоси бўлган.

Қишлоқ яқинида самолёт қолдиқлари топилди. Шу билан бирга ҳудуддан бошқа бир учиш жисмига тегишли бўлаклар аниқланган.

«Интерфакс» агентлиги ушбу самолёт бошқа бир вертолёт билан тўқнашиш оқибатида ҳалокатга қулагани ҳақида хабар тарқатди. Бу «Почта России»га тегишли вертолёт бўлгани тахмин қилинмоқда.