Фото: РИА «Новости»
Грузия собиқ президенти, Украинанинг Одесса области собиқ губернатори Михаил Саакашвилини Киевдаги ресторанда ушлашди. Бу ҳақда сиёсатчининг сафдоши, Украина Олий радаси депутати Юрий Деревянко хабар қилди, деб ёзмоқда РИА «Новости».
«Ҳозиргина уни номаълум шахслар Киевдаги «Сулугуни» ресторанидан ўғрилаб кетишди», - дея айтиб ўтган Деревянко.
Депутатнинг сўзларига кўра, бу махсус топшириқли гуруҳ бўлган. Унинг айтишича, Саакашвилини айнан қаерга олиб кетишганини аниқ билмайди.
Агентлик маълумотларига кўра, Украина Хавфсизлик хизмати, прокуратура ва миграция хизмати сиёсатчини қўлга олишга алоқадор эмасликларини маълум қилган.
